Mamandardyń málimetinshe, qańtarda Qazaqstanda munaı óndirisi de, janarmaı shyǵarý da ósken. Munaı ónimderiniń, ásirese dızel otynynyń baǵasy ósken.
Qysqy dızel otyny bir jyl ishinde 26,2 paıyzǵa, bir lıtri 268 teńgege deıin qymbattady. Al jazǵy dızel otynynyń baǵasy 21,9 paıyzǵa, lıtri 193 teńgege deıin ósti. AI-98 markaly benzınniń baǵasy da bir paıyzǵa, 191 teńgege deıin ósti. Alaıda AI-95/96 jáne AI-92 baǵalary kerisinshe, 2,1 paıyzǵa (174 teńgege deıin) jáne 4,6 paıyzǵa (152 teńgege deıin) qysqardy. Elimizde qańtar aıynda óndirilgen munaı kólemi, gaz kondensatyn qosa alǵanda, segiz mıllıon tonna boldy. О́tken jyldyń qańtarymen salystyrǵanda óndiris kólemi 5,4 paıyzǵa nemese 409,2 myń tonnaǵa ósti. Gaz kondensatyn óndirý kólemi 5,2 paıyzǵa, 1,1 mıllıon tonnaǵa deıin tómendedi. Munaı óndirýdiń ósýimen otyn óndirisi de artty: benzın - jylyna 31,5 paıyzǵa, dızel otyny - 10,6 paıyzǵa artqan.
2019 jyl Qazaqstannyń otyn naryǵyndaǵy baǵanyń tómendeýinen bastaldy. Bul eldegi munaı óńdeıtin zaýyttardy jańartýdan keıin paıda bolǵan otynnyń mol qorymen baılanysty edi. Bul úrdis aqpan aıynda da jalǵasyn taýyp, AI-92 markaly benzınniń ǵana emes, dızeldi otynnyń da baǵasy tústi.
Qazirgi tańda eń arzan kógildir otyn Royal Petrol beketterinde.
Ondaǵy AI-92 145 teńgeden satylyp jatyr. Bul qańtarmen salystyrǵanda 4 teńgege kem. «QazMunaıGaz» ben Sinooil beketterine barsańyz, otynnyń 1 lıtri úshin 149 teńge jumsaısyz. Sońǵysy 20 lıtrden kóp alǵandarǵa jeńildik jasap, 146 teńgege beredi. Anaǵurlym qymbat baǵa otyndy 150 teńgeden satatyn «Gazpromda», biraq onyń ózi janarmaı baǵasyn 3 teńgege túsirgen.
Dızeldiń baǵasyn aýystyrmaǵan Helios pen Royal Petrol atalǵan otyndy 191 jáne 188 teńgeden satýda. О́zge jeliler dızeldiń qunyn eki teńgege tómendetipti. Sinooil men «QazMunaıGaz» endi ony 191 teńgeden satyp jatyr. Al «Gazprom» beketterinen 191 teńgege ala alasyz.
Gúlbarshyn SABAEVA,
«Eqemen Qazaqstan»
Almaty
